ah09040

Veni sanctum neuma veni igne corda nostra leni tuo et examina | Veni sancte consolator mundae mentis habitator mundans nos illumina | Pectus nostrum fac decorum et disrumpe delictorum quae nos premunt vincula | Igne tuo mentes ure nostras ut sic tibi pure fiant habitacula | Patris verbi sanctum flamen esto nobis consolamen in hac valle misera | Consolari nos dignare sensus nostros inflammare flamma salutifera | In nos tuum des ardorem in nos mittas et amorem dei atque proximi | Amor fratris amor regis hic est summa sanctae legis et praecepti maximi | Isto reple nos amore ut psallamus mente ore tibi sancte spiritus | His nos alis fac volare ad superna et calcare mente mundum penitus | Te credentes te colentes consolare caelitus