ah09068

Mater misericordiae stirpis puella regiae | Primordium laetitiae humanae causa veniae | Sedes sapientiae via paenitentiae domus pudicitiae relevamen et solamen miseris et tristibus medicamen adjuvamen lapsis paenitentibus | Firmamentum documentum castis et humilibus supplementum nutrimentum cunctis indigentibus aliis virginibus pulchrior in omnibus ornata monilibus | Cantibus celebribus cantanda fideliter | Vocibus supplicibus jucunda suppliciter | Alma regina lux matutina | Stella marina forma divina | Imperatrix omnium firma spes credentium praemium pretium gaudium salus es fidelium janua caelestium | Consolatrix supplicum prophetarum canticum unicum mysticum caelicum decus es angelicum promissum Davidicum | Genus regale vas spiritale | Templum virginale donum speciale | Gemma castitatis flos virginitatis norma sanctitatis felix dicta virgo pura simul et puerpera maritalis tori jura nesciens et foedera | Jesum nobis placatura semel petit aethera sine fine regnatura mole carnis libera justis laus aeterna die hodierna transcendens superna | Lilium pudoris myrthus et honoris | Sui genitoris mater et pastoris | Qua neque melior neque felicior mulier habetur | Qua nulla prior neque posterior partu videtur | Origo clementiae titulus prudentiae | Speculum justitiae sedes sapientiae | Fons virtutis nimiae dulcis et diligenda | Per quam porta gloriae fuit aperienda | Per quam inclyta lux est edita | Per quam reddita vitae praemia | Super choros angelorum regnat exaltata | Maria regis caelorum genetrix beata | Nimis honorata mater et beata