ah10055

ALLELUIA Virginis matris annua ecclesiae solemnia | Virginis prolis integra magnificent precordia | Quam parit assidua divinitatis gratia | Haud quaquam serpentina corrumpendam astutia | Hanc mundi vernantia designavere primordia | Cum ex dormiente Adam Deus formavit feminam | Hujus insignis gratia olim praenotata est in arca | Ad quam pacis olivata columba detulit ad vesperam | Huic veniens de Saba mystice conformatur regina | Quam sapientiae avidam Salomon reliquit stupidam | Tali signorum figura mundo caelitus premissa | Deus qui fecit omnia natus carne virginea | Dilexit hanc sua misericordia | Et salvavit bonitate gratuita | Mundans eam sanguinis et sacri fontis gratia | Ornans eam fide spe et caritate gemina | Ut posset sine macula illi aptari sponsa | Qui prae filiis hominum est speciosus forma | Rex Christe protege in terra quos adhuc gemens tua parit sponsa | Et defunctos eo subleva qua ad dexteram stabit haec regina | Ut sit audire cum illa audi et vide filia | Deum in sua gloria per infinita saecula