ah40032

Veni sancte spiritus nos perfunde caelitus rore novae gratiae | Cuplas nostras dilue et nos manna complue vera sapientiae | Sis nobis paraclitus et mundans medullitus lima conscientiae | Igne nos examina luce nos illumina dignae paenitentiae | Munda mentis aream lateres et paleam et lutum elimina | Pietate solita nos afflictos visita nostra delens crimina planta morum germina | Sere semen gratiae semen indulgentiae semen patientiae semen verae gloriae | Supplicemus et oremus ut te duce fortes stemus in agro martyrii | Occumbamus ut vincamus moriamur ut vivamus tanquam strenuissimi | Per te Christi passioni confortemur et agoni instantis militiae | Per te Christo militemus et cum Christo festinemus ad palmam victoriae | Cor os actus nostros munda et fecundis nos fecunda rivis misericordiae et disciplinis fediae | Da de caelis sacrum nomen et in terris verum lumen nobis caecutientibus mentes illustra moribus | Cum sis ardor caritatis et largitor pietatis tuae nobis largitatis confer participium | Plue nobis aquas mundas aquas vivas et fecundas formans nobis mentes mundas doctrinis caelestium