h00621

Laudem beatae Eulaliae puro canamus pectore quam Christus inter martyres casto sacravit sanguine | Quae clausa duris postibus interque fortes cardines somni civique nescia Christum canebat pervigil | Custos tremendi liminis laxis stupebat vinculis in carceris congustia mentis beate gaudia | Judex furore turbidus surgit cruentis faucibus et increpat noctis moram sanctam daturus hostiam | Lentoque primo verbere Christi puella ceditur sed consecrare pernegat libamen aris impium | Tunc in reciso stipite ductis in altum bracchiis latus puellae ceditur nudamque flammis uritur | Victor recedit spiritus corpus relinquens pallidum quod lege mortis perditum reducat ad vitam deus | Jamjam quieti psallite patrique laudem dicite Christumque laudemus pium simulque sanctum spiritum | Haec nos redemit trinitas cujus perennis gloria in saeculum nescit mori vivens per omne saeculum | Amen