ah55220

Cordis sonet ex interno regi regum hodierno die nostra contio | Collaudemus mente laeta suo illum in athleta in Leodegario | Sit mens munda vox canora ut jucunda et decora nostra sit laudatio | Nos discordet os a corde sint concordes hae tres corde lingua mens et actio | Generosa stirpe clarus fuit et ab ipsa carus deo pueritia | Mansit in palatio sub rege Chlotario cujus providentia | Hinc Pictavis mittitur praesulique traditur disciplinae gratia | Praesulatu sublimatur sublimatus cumulatur gratiarum copia | Major domus regiae Ebroinus rabie ferali succenditur | Torquendus nefarie ministris saevitiae sanctus dei traditur | Venerando praesuli eruuntur oculi saeclis profuturi | Fodiuntur terebris aliorum tenebris lumen reddituri | Lictor vibrat gladium martyr caput obvium dat pro Christo capite | Hostem vincens hominum Babylonis dominum cum suo satellite | Si caelorum ostia Christi factus hostia intrat cum victoria | Caelestis militia cantat cum laetitia deo laus et gloria | Circumdati periculis atque momentis singulis paene periclitantes | Ad te martyr confugimus tibique preces fundimus suscipe deprecantes | Tuis bonis ad gaudentem tuas laudes attollentem praesentem familiam | In caelestem transfer aedem et fac Christo coheredem atque tibi sociam