Huic David quando terra ejus restituta est dominus regnavit exsultet terra laetentur insulae multae | Nubes et caligo in circuitu ejus justitia et judicium correctio sedis ejus | Ignis ante ipsum praecedet et inflammabit in circuitu inimicos ejus | Illuxerunt fulgura ejus orbi terrae vidit et commota est terra | Montes sicut cera fluxerunt a facie domini a facie domini omnis terra | Annuntiaverunt caeli justitiam ejus et viderunt omnes populi gloriam ejus | Confundantur omnes qui adorant sculptilia et qui gloriantur in simulacris suis adorate eum omnes angeli ejus | Audivit et laetata est Sion et exsultaverunt filiae Judae propter judicia tua domine | Quoniam tu dominus altissimus super omnem terram nimis exaltatus es super omnes deos | Qui diligitis dominum odite malum custodit dominus animas sanctorum suorum de manu peccatoris liberabit eos | Lux orta est justo et rectis corde laetitia | Laetamini justi in domino et confitemini memoriae sanctificationis ejus
AL levatus Dominus in caelum primum discipulos suos de mysterio suae fidei curavit diligenter mundum praedicare veritatis ore quanto eum ab ipso precipisse dudum jam presignatus fuisse cognoscere | TU ES ALTISSIMUS SUPER OMNEM TERRAM | Caelica potestas caterva terram | Quem olim maledixisti prope primum homo quem plasmasti ad imaginem tuam dixisti ei in sudore vultus tui vesceris panem donec reverantis in terram | NIMIS EXALTATUS ES SUPER OMNES DEOS
