Beatissimus Petrus electus dei apostolus cui dominus tantam gratiam donavit ut claves regni caelorum traderet ei ipse sit pro nobis perpetuus intercessor
Apostolorum passio diem sacravit saeculi Petri triumphum nobile Pauli coronam praeferens | Conjunxit equales viros cruor triumphalis necis deum secuti praesulem christi coronavit fides | Primus Petrus apostolus nec Paulus inpar gratiae electionis vas sacre Petri adequavit fides | Verso crucis vestigio Simon honorem dans deo suspensus ascendit datim non inmemor oraculis | Praecinctus ut dictum est senes elevatus ab utero quo nollet ibid sed volens mortem subegit asperam | Hinc Romae celsus verticem devotionis extulit fundata tali sanguine et vate tanti nobilis | Tanta per urbis ambita stipata tentunt agmina trinis celebratur diis festum sacrorum martyrum | Prodire quis mundum putet concurrere plebem poli electa gentium caput fides magistra gentium | Deo patri
Beatus Christi famulus sanctus Petrus apostolus insignis ac praecipuus Christi amore agnitus | In sede quoque optima sedit post Antiochiam Romae ubi ditissimae nobilitatis gratia | Cui ponti juxta litora Christi occurrit gratia mox ebrius in spiritu corde reliquit saeculum | Hujus sacrata gressibus umbra daretur temporis contactus quoque languidis mox faciebat prospera | Elegit crucis tropaeum ascendere post magistrum cujus doctrina et gratia refulget in ecclesia | Gloria tibi domine gloria unigenite una cum sancto spiritu in sempiterna saecula
