Decima die postquam ascendit Christus ad patrem erant omnes apostoli congregati in Jerusalem et effusus est spiritus sanctus super eos tamquam ignis et coeperunt loqui variis linguis omnium gentium et mirabantur omnes audientes illos loquentes magnalia dei cum gaudio alleluia
Et apparuerunt apostoli dispertitae linguae tamquam ignis seditque supra singulos eorum et repleti sunt omnes spiritu sancto et coeperunt loqui magnalia Dei ALL
Apparuerunt illis dispertite linguae tanquam ignis seditque supra singulos eorum et repleti sunt omnes spiritu sancto et coeperunt loqui variis linguis magnalia dei stupebant omnes et mirabantur
Orbis conditor regressus est in sinu patris | Promissa dare munera patris gratia | Et almum spiritum sicuti praedixerat | Rogabo patrem meum alium dabit vobis paraclitum | Et cum venerit arguet mundum de sordida facinora | Et cum complerentur dies pentecostes erant omnes pariter | Discipuli loco uno exspectantes promissa triumphantes | De caelo factus est subito sonus tamquam torrens replevit spiritus totam domum ubi erant sedentes | Ignis advenit divinus non comburens illuminans nec consumens sed lucens tribuit carismatum dona | Repleti sunt spiritu sancto et coeperunt loqui | Variis linguis apostoli Christi magnalia | Facta autem hac voce convenit multitudo et mente est confusa | Audiebat unusquisque linguam suam loquentes Dei potentia | Quam nulla valet omnium comprehendi solertia cuncta clara sidera | Potestates et virtutes intercedite pro nobis omnibus ad Dominum | Ut digni accipere mereamur regna caelestia sancta | Jesu redemptor bone da nobis quod [ te] petimus in saecula | Laus tibi sit et gloria
