Tuam deus piissime pater deposcimus pietatem ut eis tribuere digneris placitas et quietas mansiones beatorumque in tabernaculis constitutos evasissent se carnales glorientur angustias semper victuri semperque in luce mansuri
Plasmator hominis deus qui cuncta solus ordinans humum jubes producere reptantis et ferae genus | Qui magna rerum corpora dictu jubentis vivida ut serviant per ordinem subdens dedisti homini | Repelle a servis tuis quidquid per immunditiam aut moribus se suggerit aut actibus se interserit | Da gaudiorum praemia da gratiarum munera dissolve litis vincula astringe pacis foedera | Praesta pater piissime patrique compar unice cum spiritu paraclito regnans per omne saeculum
Vere dignum et justum est aequum et salutare nos tibi semper et ubique gratias agere domine sancte pater omnipotens aeterne deus Te domine patrem omnipotentem laudate filium que tuum dominum nostrum et spiritum paraclitum pro dilectoris tui Maioli (...)
Rector potens verax deus qui temperas rerum vices splendore mane instruis et ignibus meridiem | Extingue flammas litium aufer calorem noxium confer salutem corporum veramque pacem cordium | Praesta pater piissime patrique compar unice cum spiritu paraclito regnans per omne saeculum
Caeli deus sanctissime qui lucidas mundi plagas candore pingis igneo augens decoro lumine | Quarto die qui flammeam dum solis accendis rotam lunae ministras ordinem vagosque cursus siderum | Ut noctibus vel lumini diremptionis terminum primordiis et mensium signum dares notissimum | Expelle noctem cordium absterge sordes mentium resolve culpae vinculum everte moles criminum | Praesta pater piissime patrique compar unice cum spiritu paraclito regnans per omne saeculum
Pie deprecantibus depellitur incommodum ibi enim caeci illuminantur daemonia effugantur leprosi mundantur surdis auditus redditur mutorum lingua solvitur et debilis quisque integer regreditur ergo pater piissime deus ejus meritis et precibus transfer a nobis quidquid deviando deliquimus ut cum eo paradisi gaudiis perfruamur amen
