Gratias domino Jesu Christo qui lavit nos a peccatis nostris in sanguine suo et fecit nostrum regnum sacerdotes deo et patri suo ipsi gloria in saecula alleluia
Laetetur horbis hodie sancto repletus flamine plaudat omnis ecclesia pro tanti festi gloria nos quoque eum tripudio benedicamus domino alleluia | Veni veni paraclyte veni creator inclyte corda nostra sanctifica tui amoris gratia ut cum triumpho debitas dicamus deo gratias alleluia
Ceciderunt seniores viginti quattuor ante sedentem in throno et adoraverunt deum dicentes amen alleluia et vox de throno exhibit dicens laudem dicite deo nostro omnes sancti ejus et qui timetis deum pusilli et magni
Jubilate deo universa terra psalmum dicite nomini ejus venite et audite et narrabo vobis omnes qui timetis deum quanta fecit dominus animae meae alleluia
Hodie candidati sacerdotum chori centeni et milleni conjubilent Christo dilectoque suo Joanni | Quem stola gloriae indutum hodie ipse in convivium suscepit aeternum | O vere sanctum laudabilem in terra caeli arce splendentem in gloria magna | Alleluia sacerdotes eia jubilemus deo in beato Joanne theologo celsa voce et humili corde eia dicite | Tibi Christo regi plaudant omnes angeli plaudant sacerdotes et cuncti ministri tui | Qui inter natalis tui gaudia cari tui Iohannis nobis praestas suffragia | Joannis potatoris profundi pectoris tui et tutoris virgineae genitricis tuae | Ad cujus gloriam en tibi adstant hymnistae sacerdotes tui et tua in eo preconia efferunt ita modulantes
