Alleluia cantate domino canticum novum laus ejus in ecclesia sanctorum | Laetetur Israel in eo qui fecit eum et filii Sion exsultent in rege suo | Laudent nomen ejus in choro in tympano et psalterio psallant ei | Quia beneplacitum est domino in populo suo et exaltabit mansuetos in salutem | Exsultabunt sancti in gloria laetabuntur in cubilibus suis | Exaltationes dei in gutture eorum et gladii ancipites in manibus eorum | Ad faciendam vindictam in nationibus increpationes in populis | Ad alligandos reges eorum in compedibus et nobiles eorum in manicis ferreis | Ut faciant in eis judicium conscriptum gloria haec est omnibus sanctis ejus alleluia
Cantate domino canticum novum cantate domino canticum novum laus ejus in ecclesia sanctorum laetetur Israel in eo qui fecit eum et filii Sion exsultent in rege suo
Cantate domino canticum novum cantate domino canticum novum laus ejus in ecclesia sanctorum laetetur Israel in eo qui fecit eum et filiae Sion exsultent in rege suo
Cantate domino canticum novum laus ejus ab extremis terrae | Qui descenditis in mare et plenitudo ejus insulae et habitatores earum | Sublevetur desertum et civitates ejus in domibus habitabit Cedar | Laudate habitatores Petrae de vertice montium clamabunt | Ponent domino gloriam et laudem ejus in insulis nuntiabunt | Dominus sicut fortis egredietur et sicut vir proeliator suscitabit zelum | Vociferabitur et clamabit et super inimicos suos confortabitur | Tacui semper silvi patiens fui sicut pariens loquar | Dissipabo et absorbebo simul desertos faciam montes et colles et omne germen eorum exsiccabo | Et ponam flumina in insulas et stagna arefaciam | Et ducam caecos in via quam nesciunt in semitis quas ignoraverunt ambulare eos faciam | Ponam tenebras coram eis in lucem et prava in recta
