Regis perennis gloriae pangis decus victoriae quam mors devicta periit et vita nobis reduit | LECTIO epistolae beati Pauli apostoli ad corinthios fratres | Christi redempti sanguine regali tincti crismate post delictorum veniam et triumphalem gratiam | EXPURGATE vetus fermentum | Quo subiit interitum omne genus mortalium | Ut sitis nova conspersio sicut estis azymi | Tendentes ad caelestia ad promissorum gaudia quae contulit magnificae Christus resurgens hodie | ET ENIM Pascha nostrum immolatus est Christus | Qui solus sine macula mundi lavit piacula agnus intacte virginis et hostia mirabilis | ITAQUE epulemur | Ad mensam novae gratiae discumbentes in ordine et candidatis vestibus vescamur agni dapibus | NON IN fermento veteri neque in fermento malitiae et nequitiae | Laus tibi rex et gloria pax salus et victoria qui spolitatis inferis tuos ad astra provehis | SED IN azimis sinceritatis et veritatis | O quam dulcis memoria Christi duxit victoria nos ab umbra tristitiae vox intonat laetitiae
Consolator peccatoris dolimeta vas dulcoris datur gratiae | Alvum subit genitricis specialis et felicis rerum serie | Tres personas venerari decet orbem lege pari reverentiae | Pater natus et spiramen trinus deus paris tamen existentiae | Corpus Christi veneretur quisquis sibi pollicetur dona veniae | Quod in cruce cruentatum dat exemplar moderatum patientiae | ln honorem salvatoris usum cingat omnis oris vox laetitiae | Qui caelestes sperant sedes summi regis coheredes dicant hodie OSANNA IN EXCELSIS
