Numquid in nostra justitia fundimus preces ante te domine sed speramus in misericordia tua quia sanctus es exaudi domine placare domine intende et fac et noli tardare
Rogamus te rex saeculorum deus sancte jam miserere peccavimus tibi | Audi clamantes pater altissime et que precamur clemens ac tribue Exaudi nos Domine | Bone redemptor supplices quaesumus te toto corde flentes requirimus Exaudi nos Domine | Emitte manum tuam Deus omnipotens et invocantes peccatores redime Exalta piisimae | Fertilitatem et pacem tribue contere bella famem coibe Exaudi nos Domine | Ne recorderis nostra facinora sed adjuvando nos omnes libera Exalta piisimae | Respice Deus tuendo viduas fove pupillos captivos revoca Prostratos tu subleva | Jam miserere Christe audi nos Sancta Maria ora pro nobis [ut supra]
Dicamus omnes domine exaudi | Deus ne peccata nostra consueta pietatis tuae misericordiam vincant | Deus qui malori benignitate misereris quam nos facilitate peccamus | Intende quaesumus confitentes et consolare merentes
In finem in carminibus intellectus David | Cum venissent Ziphaei et dixissent ad Saul nonne David absconditus est apud nos | Deus in nomine tuo salvum me fac et in virtute tua judica me | Deus exaudi orationem meam auribus percipe verba oris mei | Quoniam alieni insurrexerunt adversum me et fortes quaesierunt animam meam et non proposuerunt deum ante conspectum suum | Ecce enim deus adjuvat me et dominus susceptor est animae meae | Averte mala inimicis meis et in veritate tua disperde illos | Voluntarie sacrificabo tibi et confitebor nomini tuo domine quoniam bonum est | Quoniam ex omni tribulatione eripuisti me et super inimicos meos despexit oculus meus
