Ecce factus sum omnibus inimicis meis in proverbium et longe facti sunt qui me diligebant extendit inimicus meus adversum me pharetram suam et subvertit calcaneum meum congregavit inimicus meus furorem suum in me et infremuit contra me dentibus suis tu autem domine libera me et pone me juxta te
Potum meum cum fletu temperabam quia elevans allisisti me et ego sicut fenum arui tu autem domine in aeternum permanes tu exsurgens misereberis Sion quia venit tempus miserendi ejus
Memorare domine quoniam pulvis sumus homo sicut foenum dies ejus et quasi flos foeni ita defloruit tu autem domine in aeternum permanes et anni tui non deficient
Ecce factus sum omnibus inimicis meis in proverbium et longe facti sunt qui me diligebant extendit inimicus meus adversum me pharetram suam et subvertit calcaneum meum repleta est anima mea doloribus congregavit inimicus meus furorem suum in me et infremuit contra me dentibus suis tu autem domine libera me et pone me juxta te
Ego dixi in dimidio dierum meorum vadam ad portas inferi | Quaesivi residuum annorum meorum dixi | Non videbo dominum dominum in terra viventium | Non aspiciam hominem ultra et habitatorem quievit generatio mea ablata est et convoluta est a me quasi tabernaculum pastorum | Praecisa est velut a texente vita mea dum adhuc ordirer succidit me de mane usque in vesperam finies me | Sperabam usque ad mane quasi leo sic contrivit omnia ossa mea | Sicut pullus hirundinis sic clamabo meditabor ut columba | Adtenuati sunt oculi mei suspicientes in excelso | Domine vim patior responde pro me | Quid dicam aut quid respondebit mihi cum ipse fecerim | Recogitabo omnes annos meos in amaritudine animae meae | Domine sic vivitur et in talibus vita spiritus mei corripies me et vivificabis me | Ecce in pace amaritudo mea amarissima tu autem eruisti animam meam ut non periret | Projecisti post tergum tuum omnia peccata mea | Quia non infernus confitebitur tibi neque mors laudabit te | Non expectabunt qui descendunt in lacum veritatem tuam | Vivens vivens confitebitur tibi sicut et ego hodie | Pater filiis notam faciet veritatem tuam | Domine salvum me fac et psalmos nostros cantabimus cunctis diebus vitae nostrae in domo domini
