Hi sunt viri misericordiae quorum pietates non defuerunt et cum domine eorum perseverant bona gloria aeternae vitae adepti sunt et in diebus suis habentur in laudibus
Dabo duobus famulis meis dicit dominus alleluia et prophetabunt alleluia quia isti sunt duae olivae et duo candelabra in conspectu dei alleluia alleluia alleluia
Isti sunt duae olivae et duo candelabra lucentia ante dominum habent potestatem claudere caelum nubibus et aperire portas ejus quia linguae eorum claves caeli factae sunt
Alleluia Isti sunt duae olivae et duo candelabra lucentia ante dominum habent potestatem claudere caelum nubibus et aperire portas ejus quia linguae eorum claves caeli factae sunt
Jucundare plebs fidelis cujus pater est in caelis recolens Ezechielis prophetae praeconia | Circa thronum majestatis cum spiritibus beatis quattuor diversitatis astant animalia | Est Joannes testis ipsi dicens in apocalypsi vere vidi vere scripsi vera testimonia | Formam primam aquilinam et secundam leoninam sed humanam et bovinam duo gerunt alia | Formae formant figurarum formas evangelistarum quorum imber doctrinarum stillat in ecclesia | Hi sunt Marcus et Matthaeus Lucas et quem Zebedaeus tibi pater misit deus dum laxaret retia | Formam viri dant Matthaeo quia scripsit sic de deo sicut descendit ab eo quem plasmavit homine | Lucas bos est in figura ut praemonstrat in scriptura hostiarum tangens jura legis sub velamine | Marcus leo per desertum clamans rugit in apertum iter fiat deo certum mundum cor a crimine | Sed Joannes ala bina caritatis aquilina forma fertur in divina puriori lumine | Ecce forma bestialis quam scriptura prophetalis notat sed materialis haec est impositio | Currunt rotis volant alis visus sensus spiritalis rota gressus est aequalis ala contemplatio | Quattuor describunt isti quadriformes actus Christi et figurant ut audisti quisque sua formula | Natus homo declaratur vitulus sacrificatur leo mortem depraedatur et ascendit aquila | Paradisus his rigatur viret floret fecundatur his habundat his laetatur quattuor fluminibus | Fond est Christus hi sunt rivi fons est altus hi proclivi ut saporem fontis vivi ministrent fidelibus | Horum trahat nos doctrina vitiorum de sentina ne sic morte repentina damnemur cum impiis | Horum rivo debriatis sitis crescat caritatis ut supernae claritatis perfruamur gaudiis amen
Isti sunt duae olivae candelabra lucentia ante dominum habent potestatem claudere caelum nubibus et aperire portas ejus quia linguae eorum claves caeli factae sunt
Hi sunt olivae duae coram domino et candelabra luce radiantia praeclara caeli duo luminaria fortia solvunt peccatorum vincula portasque caeli reserant fidelibus
