Vidi angelum ascendentem ab ortu solis habentem signum dei vivi et clamavit voce magna quattuor angelis quibus datum est nocere terrae et mari dicens nolite nocere terrae et mari neque arboribus quoadusque signemus servos dei nostri in frontibus eorum et audivi numerum signatorum centum quadraginta quattuor milia signati ex omni tribu filiorum Israel
Vidi librum in dextera dei sedentis supra thronum scriptum intus et retro signatum signis septem et audivi angelum fortem praedicantem vocem magnam quis dignus est accipere librum aut videre signa ejus nec quisquam poterat neque in caelo neque in terra neque sub terra aperire librum aut prospicere illum et ego flebam multum quod nemo dignus inventus esset qui aperiret librum aut videre illum et dixit mihi unus ex senioribus ne fleveris ecce vidit leo de tribu Juda radix David aperire librum et septem signa ejus
