Decus sacrati nominis nomenque vitam exprimens hic te decorum praedicat crucis beatae gloria | Andreas Christi apostole hoc ipse jam vocabulo decorus idem mistice signaris isto nomine | Quem crux ad alta provehit crux quem beata diligit cui crux amata praeparat lucis futura gaudia | In te crucis mysterium cluit gemello stigmatae dum probra vincis per crucem crucisque pandis sanguinem | Jam nos foveto languidos coramque nostri suscipe quo per crucis victoriam caeli pectumque patriam | Deo patri
Jesu velatus facie fuisti sol justitiae flexis illusus genibus cesus quoque verberibus | In flagelis potum fellis bibisti amarissime pro peccatis perpetratis aeterne rex altissime | Spina decora fulgida ornata regis purpura electa dignissima que tam sanctum caput tangere | Hora qui ductus tertia fuisti ad supplicia Christe ferendo humeris crucem pro nobis miseris | Sucurre nobis domine quos redemisti sanguine et duc nos ad suavia aeterne pacis gaudia | Te summa deus trinitas collaudet omnis spiritus quos per crucis mysterium salvas rege per saecula Amen
Vexilla regis prodeunt fulget crucis mysterium qua vita mortem pertulit et morte vitam protulit | Quae vulnerata lanceae mucrone diro criminum ut nos lavaret sordibus manavit unda et sanguine | Impleta sunt quae concinit David fideli carmine dicendo nationibus regnavit a ligno deus | Arbor decora et fulgida ornata regis purpura electa digno stipite tam sancta membra tangere | Beata cujus bracchiis pretium pependit saeculi statera facta corporis tulitque praedam Tartari | O crux ave spes unica in hac triumphi gloria piis adauge gratiam reisque dele crimina | Te fons salutis trinitas collaudet omnis spiritus quibus crucis victoriam largiris adde praemium | Amen
