Popule meus quid feci tibi aut in quo contristavi te responde mihi quia eduxi te de terra Aegypti in manu fortis in signis manus et prodigiis excelsis et parasti crucem salvatori tuo
Ad te in te refugium Jesu petimus Jesu unigenite filii dei suscipe preces archangelorum et orationes sanctae Mariae libera populum ad te clamantem emitte nobis auxilium de caelo sanctus deus sanctus fortis sanctus immortalis qui tollis pecata mundi miserere nobis
Sanctus deus qui sedes super cherubim solus invisibilis sanctus fortis tu solus immaculatus salvator miserere nobis sanctus et immortalis qui dei genetricis orationem susceptisti alleluia alleluia
Caminus ardebat septies quam solebat et pueri tui domine in medio psallebant Ananias dicebat sanctus deus Azarias psallebat sanctus fortis Misael voce magna clamabat sanctus et immortalis miserere nobis
Deus qui es benedictus in saecula saeculorum suscipe preces archangelorum et orationem sancti N. libera populum ad te clamantem et mitte nobis auxilium de caelo sanctus deus sanctus fortis sanctus et immortalis qui tollis peccata mundi miserere nobis alleluia
Kyrie Rex saeculorum consolator maestorum susceptor contritorum et sola spes maerentum eleison | Kyrie Deus fortis sanctus et immortalis qui caelis dominaris ac potens es in terris eleison | Kyrie Rex immense qui sola potestate concludis quod est omne disponendo benigne eleison | Christe Quem dei patris verbum credimus Mariae filium patri coaeternum et unigenitum per te cuncta manent veritas et vita Emmanuel eleison | Christe Principium et finis qui mortem passus es pro nobis miserere lapsis rebus terrae pronis et peccato fessis quos morte levasti misericors eleison | Christe splendor karissime dei patris primogenite cum quo manens vere simul et aeterne nostri miserere reparator vitae cunctipotens eleison Spiritus bone dator gratiae distributor Karitatis et actor patri natoque consors eleison Trinitatis deus vera unus es in natura cui est sola majestas et aequalis potestas eleison | Kyrie Rerum factor caelorum fabricator cunctorum dominator omniumque redemptor nostri clemens sis memor eleison
Sanctus deus quem benedicit cherubim et adorat seraphim sanctus fortis quem glorificat chorus angelorum laudantes sanctus immortalis dona nobis veniam et miserere nobis
